Khoon ki Kami Kaise Door Kare- Blood Badhane ke 10 Upay Hindi Me

Khoon ki Kami Door Karne ka ilaj aur Upay: Hamare blood mein 2 tarah ki koshikaye hoti hai laal aur safed (red or white). Lal rakt koshikaye kam hone par body mein blood ki kami hone lagti hai, jise anemia rog bhi kehte hai. Sharir mein iron ki matra badha kar hemoglobin ko pura kiya ja sakta hai. Body mein blood kam hone par kai parkar ki bimariya hone ka khatra hota hai, iske ilava sharer ki bimariyo se ladne ke shakti bhi kam ho jati hai.

Chote bacho mein blood kam hone par bache ka sharirik aur mansik vikas thik se nahi ho pata. Mahilao mein khoon ki kami ho to unhe sahi samay par mahwari(periods) nahi hote. Ek research ke anusar pursho ke mukable mahilao mein anemia ki problem jada hoti hai. Is article mein hum padhenge shareer mein blood badhane ke upay kaise kare, how to increase hemoglobin tips in hindi.

• Jane Sharir se Gandagi Bahar Kaise Nikale
• जाने खून साफ करने के उपाय इन हिंदी

Hemoglobin ki Kami ke Karan Kya Hai

• Body se adhik matra main khoon nikalna.
• Khane mein poshak tatvo ki kami hona.
• Pet mein koi infection hona.
• Kisi gambhir bimari ki wajah se shareer mein khoon ka na banna.

Khoon ki Kami ke lakshan – Anemia Symptoms in Hindi

• Jaldi thakan hona aur sharer mein kamjori aana.
• Tavacha ka rang pila padna.
• Hath pairo mein sujan aana.
• Bhukh na lagna.

Khoon ki Kami ka ilaj Kaise Kare – How to Increase Hemoglobin

Body mein blood pura karne ke liye doctor vitamin aur iron ki goliya ya supplement lene ki salah dete hai par hum apni diet mein kuch aese healthy foods shamil kar sakte hai jo natural tarike se body mein khun badhate hai. Aaiye jante hai shareer mein khoon badhane ke gharelu aur ayurvedic nuskhe kya hai.

1. Palak anemia ke rog mein dawa(medicine) ka kaam karti hai. Isme vitamin A, E, B9, C, calcium, fiber aur iron bharpur matra mein hota hai. Ek baar mein hi palak sharer mein 20% tak iron badha sakti hai. Palak ki sabji khaye aur palak ka soup bhi bana kar pi sakte hai.

• Jane Pachan shakti badhane ke gharelu nuskhe

2. Hemoglobin badhane ke liye makke ke dane bahut poshtik aur kargar hai. Inhe bhun kar ya fir ubaal kar khaya ja saklta hai.

3. Soyabean mein iron aur vitamin bharpur matra mein hote hai. Anemia ke patients ke liye soyabean bahut faydemand hai. Ise ubaal kar khaya ja sakta hai.

4. Ek glass pani mein ek nimbu nichod le ab isme 1 chammach shahad mila kar piye. Rojana ye upay karne se jaldi khoon badhta hai.

5. Ek gilaas chakundar ke ras mein thoda shahad mila kar piye, isme iron ki matra adhik hoti hai jo sharer mein blood banata hai.

6. Khoon badhane ke upay kar rahe hai to rojana 1 glass tamatar ka juice piye, aap tamatar ka soup bana kar bhi pi sakte hai aur chahe to tamatar aur seb (apple) ke juice ko mix kar ke bhi pi sakte hai.

7. Aanar ke juice mein sendha namak aur thodi kali mirch daal kar pine se body mein iron ki kami door hone lagti hai.

8. Mungfali ko gud ke sath khane se bhi shareer mein iron ki matra badhti hai.

9. Agar sharir mein khun ki kami ho to raat ko sone se pahle doodh mein khajur daal kar doodh piye aur baad mein khajur kha le.

10. Body mein kam hemoglobin ka ilaj karne ke liye lehsun mein thoda namak milaye aur pees kar chatni bana le aur is chatni ke sevan kare.

• Jane Pet ki Bimariyo ka Upchar

Anemia ka ilaj ke Ayurvedic Nuskhe

• Jamun ka ras aur aanwle ke ras ko barabar matra mein mila kar pine se body mein hemoglobin badhta hai.
• Kache singhade khane se body mein takat aati hai aur body mein khun pura hota hai.
• Giloy ka ras khoon badhane ka sabse badhiya ayurvedic upay hai. Aap ye juice ghar par bhi bana sakte hai nahi to apne aas pass baba ramdev ki kisi pantjali ki shop se le sakte hai.
• Kishmish, munakka, dale, aanaj aur gajar ko apni diet mein shamil kare. Rojana inke sevan se body mein blood badhta hai.
• Pakke hue aam ke gude ko mithe doodh ke sath lene se bhi hemoglobin badhta hai.
• Do chammach tilo ko pani mein bhigo kar rakhe aur 2 se 3 ghante baad paani nikal kar tilo ko pees le aur paste bana le. Is paste ko 1 chammach shahad ke sath mila kar din mein 2 baar khaye. Is upay se sharer mein teji se khoon badhne lagta hai.

Sharir Mein Khoon Badhane ke Liye Kya Khaye

Body mein blood kam hone par vitamin B, folic acid aur iron ki maatra kam hone lagti hai. Swasth jivan shelly aur healthy diet apna kar anemia ke rog se bacha ja sakta hai. Aaiye jane khoon badhane ke liye diet mein kon se foods khaye.

• Palak, sarso, pudina aur hara dhaniya ko apne aahar mein shamil kare.
• Fruits mein apple, chiku, papita, amrud aur nimbu ka sevan jada kare.
• Khane mein gehu, mung, moth, aur chane ko anukrit karke usme nimbu milaye aur subh breakfast mein khaye. Subh khali pet sprouts khane se body ko jaruri nutritions milte hai aur anemia ka upchar hota hai.
• Akhroat aur pasta jese dry fruits khane se hemoglobin mein iron ki matra badhti hai.

Health Tips in Hindi

1. Chay coffee kam piye.
2. Smoking na kare.
3. Sharab se door rahe.
4. Fast food khane se parhej kare.
5. Exercises aur yoga se apna din shuru kare.

• Best 5 Health Tips in Hindi
• Dadi Maa ke Gharelu Nuskhe
• Rajiv Dixit Ayurveda Treatment in Hindi

Dostosharir mein Khoon ki Kami Door Karne ka ilaj, How to Increase Hemoglobin ka ye lekh aapko kaisa laga hame comment karke bataye aur agar aapke pass body mein blood badhane ke tips hindi mein hai to hamare sath share kare. Jo log anemia ka treatment kar rahe hai aapki jankari se unhe fayda mil sakta hai.