Shighrapatan ka desi ilaj in hindi: Shighrapatan (premature ejaculation) ka matlab hai sambhog karte samay jaldi viray nikal jana. Aksar sex se judi bahut si samasyo se purush parbhavit hote hai jese swapandosh, napunsakta jise ek parkar ki mardana kamori mana jata hai aur shigharpatan jisme sambhog ki charam seema par pahunchne se pahle hi virya nikal jata hai jis karan sex karne ka pura anand nahi le pate. Aese bahut se gharelu upay aur desi ayurvedic nuskhe hai jis se samay se pahle viray nikalne ko roka ja sakta hai, par in upayo ka asar dhere dhere hi dikhega isliye turant result na milne par nirash na ho.
Shigharpatan ki samasya hone par kai bar relation aur marriage life par bura effect padta hai, is samasya se pareshan vyakti ka confidence kam hone lagta hai jis wajah se wah apne daily routine ke dusre kaamo ko bhi thik se nahi kar pata. Vese to ye samasya jada umar ke logo mein hoti hai par aajkal ye samasya kam umar ke ladko ko bhi parbhavit kar rhi hai. Aaj ke samay mein shighrapatan se bahut se purush grast hai par ye koi gambhir samasya nahi hai kuch baato ka dhyan rakh kar aur kuch upay karne se iska ka ilaj kiya ja sakta hai. Kya Kyu Kaise ke is lekh mein hum janenge natural home remedies tips to stop premature ejaculation in hindi.
Shigharpatan ke Karan : Causes
- Adhik sambhog karna
- Hasthmaithun adhik karna
- Bhojan mein nutritions ki kami hona.
- Guptang ki manspeshiya kamjor hona.
- Sharab ya kisi nashili cheej ka adhik sevan karna.
Shighrapatan ka Desi ilaj aur Gharelu Upay
Home Remedies for Premature Ejaculation in Hindi
1. Lehsun se Shighrapatan ke Upay
- Lehsun mein natural antibiotic ke gun hote hai. Lehsun khane se sharir garam rehta hai aur gupat ango mein blood ka circulation improve hota hai.
- Gaay ke ghee mein lehsun dhimi aanch par pakaye aur jab iska rang halka bhura ho jaye tab ise aanch se utar le aur thanda hone par sevan kare.
- Iske ilava lehsun ki 2 se 3 kaliya chba kar khane se bhi viray ke jaldi girne ki samasya se aaram milta hai.
2. Bhindi Powder
Hamare gharo mein bhindi ki sabji aksar banayi jati hai par kya aap ye jante hai ki bhindi ka sevan powder ke roop mein bhi kiya jata hai. Viray ko jaldi nikalne se rokne ke liye aap bhindi powder ka istemal bhi kar sakte hai.
Bhindi ka powder aap gungune paani ke sath le sakte hai aur agar taste kharab hone ki wajah se na piya jaye to isme thodi chini mila kar sevan kare. Iske ilava khane mein bhi bhindi ki sabji ka sevan kare.
3. Shighrapatan Rokne ke Liye Pyaaj
Pyaaj khane se sabhi parkar ki youn samasyao ka ilaj karne mein madad milti hai. Aap hara aur safed dono tarah ke pyaaj ka sevan kar sakte hai.
Iske ilava hare pyaaj ke beej ko pees kar ek glass paani mein ghol kar khana khane se pahle piye.
4. Shahad aur Adrak
- Adrak ke sevan se guptango mein blood circulation badhta hai aur shahad ke sath iske sevan se iska asar aur badh jata hai. Rojana raat ko sone se pahle aadha chamach adrak aur shahad khaye.
5. Healthy food Khaye
Body ko fit rakhne aur bimariyo se bachne ke liye sabse jaruri hai ki aapka khan paan sahi ho, khane pine ki achi aadto se sharir ke sabhi ango ko jaruri poshak tatav milte rehte hai jisse immunity badhti hai aur sharir ki rogo se ladne ke takat badhti hai.
Agar aapko sex se judi problems se bachna hai ya fir upchar karna hai to khane pine mein aesi cheeje adhik khaye jisme minerals adhik ho, iske ilava vitamins, iron, calcium aur folic acid bhi swasth aur sehatmand sharir ke liye jaruri hai.
Shighrapatan ka Ayurvedic ilaj : Rajiv Dixit Tips
1. Ashwgandha ek ayurvedic dawa ki tarah hai jo sex problems ke upchar mein kafi asardar hai. Ashwgandha ke sevan se guptango ko takat milti hai aur sex karne ki power aur control badhta hai. Is dwa ke paryog ki puri jankari ke liye aap kisi ayurveda chikitsak se salah le.
2. Natural tarike se shighrapatan ko rokne ke liye gajar ka sevan karne se bhi fayda milta hai. Gajjar ke tukde shahad aur half boiled egg ke sath milakar sevan kare.
3. Mishri, isabgol aur khaskhas, in sabki 5 graam matra le aur milakar churan bna le aur doodh ke sath sevan kare.
4. Shahad mein 2 chammach pyaaj ka ras milakar subah khali pet lene se bhi laabh milta hai.
5. Subah subah 2 chuhare khaye aur gay ka doodh piye.
Mardana Kamzori ka ilaj Baba Ramdev Ayurvedic Medicine
Jaldi viray ke girne se rokne ke liye aap Musli Pak dawa ka sevan bhi kar sakte hai. Ye ek parkar ka natural sex booster hai jiske sevan se sharir ko takat milti hai, kisi bhi parkar ki sex problem ya mardana kamjori ho uske ilaj ke liye Musli Pak ka sevan karne se fayda milta hai aur isse sex timing bhi badhti hai. Is medicine ke sevan se sperm count badhte hai aur virya bhi gadha hota hai.
Rojana ek glass gungune doodh ke sath iska sevan karne se 15 din mein aapko farak mehsus hone lagega. Ye dawa aap baba ramdev patanjali store se le sakte hai.
Shighrapatan Rokne ke Tarike
- Sex karne ke beech beech mein kuch der ka break le is dauran apne partner se baatcheet kare ya use uteejit karne ke liye dusri kriyae kare.
- Sex karne ke liye sahi jagah aur sahi samay chune. Aesi jagah sahi hai jahan aapko kisi parkar ka koi dar ya disturbance na ho.
- Sambhog karne ke liye koi jaldi na dikhaye aur man mein koi ghabrahat ya dar na rakhe.
Jaldi Viray Nikalna Kaise Roke : Nervous na ho aur Partner se baat kare
Kuch logo ko ye dar rehta hai ki kya ve sex ke dauran ache se perform kar payenge ya nahi, kya ve apne partner ko satisfied kar payenge, in sab baato ke dar se vyakti nervous hone lagta hai aur kai bar isi dar ke karan jaldi viray nikal jata hai. Isliye sex ke dauran aap aesa kuch na soche aur apne mind ko shant rakhe.
Sex ke dauran viray ke jaldi nikalne par vyakti sharmindagi mehsus karne lagta hai. Apne partner ko satisfied na kar pane ke karan vyakti jaldi se kisi mahila ke sampark mein aane se ghabrane lagta hai. Shighrapatan ki samasya rokne mein aapke partner ka yogdaan bhi aham hai isliye aap apne partner se is bare mein khul kar baat kare taki aapke relation par bura asar na pade aur aap is samasya se bhi chutkara pa sake.
Shigharpatan Rokne ke liye Yoga aur Exercises Tips
Har roj vyayam karne se sharirik aur mansaik pareshaniyo se chutkara milta hai.
1. Kegel vyayam se aapki khoyi hui shakti fir se lane mein madad milti hai. Is vyayam mein peshab karte samay beech beech mein kych seconds ke liye peshab roke, ise guptang ki manspeshiyo ko takat milti hai.
2. Jaldi viray girne se rokne ke liye lambi aur gehri saanse le. Sambhog ke samay jab viray nikalne ka samay ho tab aap lambi sanse le, isse aapki dhadkan kam hogi aur virya nhi niklega.
3. Rojana yoga karne se shigharpatan ko roka ja sakta hai. Niche likhe hue aasano ko niymit roop se kare aur inhe karne se pahle kisi yoga expert se inhe karne ka sahi tarika sikhe. Aap ghar par baba ramdev ki yoga videos dekh kar bhi in aasno ko karne ki sahi parkriya sikh sakte hai.
- Ashwini mudra
- Sarvangasana
- Vajroli mudra
- Paschimottanasana
Shighrapatan Tips in Hindi
- Smoking, tambaccoo aur sharab se dur rahe.
- Sex karne se pahle ek bar hasthmaithun kare.
- Exercises aur yoga se sex stamina ko badhaya ja sakta hai.
- Sambhog karne se pahle peshab karne se bhi madad milti hai.
Agar aap mardana kamjori aur shighrapatan se bachne ke liye kisi parkar ki dawa (medicine) ka sevan karte hai to pahle doctor ki salah jarur le taki kisi bhi parkar ke side effect se bacha ja sake.
Dosto Shighrapatan ka Desi ilaj aur Upay, Home Remedies for Premature Ejaculation in Hindi ka ye lekh aapko kaisa lga hame comment kar ke bataye aur agar aapke pass viray ke jaldi nikalne se rokne ke tarike ya gharelu nuskhe hai to hamare sath share kare.