More

    Chilli Chicken Recipe in Hindi – Indian Style Non Veg Recipes

    Recipe - रेसिपीChilli Chicken Recipe in Hindi - Indian Style Non Veg Recipes

    Chilli chicken ek indian non veg recipes hai jo pure india mein bahut hi famous hai, ye khane mein bahut hi swadisht hota hai aur ise banana bhi bhut aasan hota hai, chilli chicken recipe ko banane mein upyog hone wali jaruri samagri aap ko aapne aas pass kisi bhi kiryane ki shop se mill jayegi. Chicken recipes mein jadatar log butter chicken, chicken 65, chili chicken, chicken tikka masals, mutton korma, chicken briyani aur egg masala khana pasand karte hai. To aaiye is article mein hum chicken chili recipe padhe aur banaye.

    Chilli chicken recipe ki samagri tyaar karne mein aap ko 10 se 15 minute aur banane mein 10 se 12 minute lagenge. Kareeb aadhe ghante mein aap ka chicken chili tyaar ho jayega.

    Aayashyak Samagri (Ingrediants for chilli chicken recipes)

    • 60 gram bonless chicken(tukdo mein kata hua)
    • 1 medium size ka tamatar
    • 1 shimala mirch
    • 1 pyaaj
    • Hara dhaniya
    • 1 chamach makki ka aata(corn flour)
    • 1/2 chota chamach maida
    • namak swaad  ke anusaar
    • 1/2 chota chamach adarak ka paist
    • 1/4 chota chamach ajenamoto
    • 1/4 chota chamach kaali mirch
    • 1/2 anda (egg).
    • 1 chota chamach soya saus
    • 1 chamach green chilli saus
    • 1/2 chota chamach tamatar saus
    • 1/2 chota chamach siraka (vingar)

    Chilli Chicken Recipe in Hindi Step by Step

    Step 1

    Sabse pehle chilli chicken banane ke liye ek bartan le aur usme teel garm hone ke liye rakhe fir aadha anda le aur use achi tarah se faite. Ab usme 1 chota chamach makki ka aata , aadha chamach maida , thoda sa namak , thoda sa ajeenamoto , thoda kaali mirch paudar, aadha chota chamach siraka , aadha chota chamach soya saus, 1/4 chota chamach tommato catchup aur aadha chota chamach green chilli saus daale.

    Step 2

    Dalli hui sabhi samagriyo ko achi tarah se milaye aur ek mishran bana le. Ab tyaar mishran mein chicken daal kar 15 minute ke liye chod de taaki sare jaayke chicken mein achi tarah se mil jaye .

    Step 3

    Gas par rakha hua teel garm hone ke baad aap usme chicken daale aur isse 4 se 5 minute ke liye dhimi aanch par tale aur jab tak chicken kurkura aur bhure rang ka na ho jaye tab tak tale.

    Step 4

    Ab ek kadhayi le aur usme mein 1 bada chamach teel daal kar garm kare aur ab usme aadha chhota chamach adarak ka paist aur chicken daal kar kuch samay ke liye dhimi aanch par pakne de fir usme pyaaz , tamatar aur shimala mirch daale.

    Step 5

    Ab usme ek chamach green chili saus, aadha chamach tamatar catchup, ek chammach soya sos, aadha chota chamach siraka,aadha chota chamach kaali mirch paudar ,1/4 chammach ajeenamoto aur swaad anusar namak daal kar kuch samay ke liye pakne de.

    Step 6

    Ab aanch band kar de aur bartan ko gas se utaar le, ab aap ka chilli chicken tayar hai. Parosne se pehle ise hare dhaniya se sajaye. Aap isse roti ya butter naan ke sath khaa sakte hai.

    Dosto chilli chicken recipe in hindi ka ye article aap ko kaisa laga hame comment mein jarur bataye aur sath hi chicken chili banane ka apna anubhav bhi bataye. Aur agar aapke pass bhi kisi tarah ki easy indian chicken recipes ho to yaha hamare sath bhi share kare.

    Recent Articles

    1 COMMENT

    LEAVE A REPLY

    Please enter your comment!
    Please enter your name here

    Recent Articles