Aankho ke Rogo ka Aasan aur Safal ilaj: Eye Care Tips in Hindi

Disease - बीमारी Aankho ke Rogo ka Aasan aur Safal ilaj: Eye Care Tips in...

Eye Care Tips in Hindi: Aankhe hamare shareer ka sabse jaruri aur anmol hissa hai. Ghar mein hamara jada samay computer, mobile chlaane aur T.V dekhne mein jaata hai aur bahar dhul-mitti aur pardushan(polution) hota hai. Aesa lifestyle aur vatavaran hamari aankho ke liye acha nahi hai. Agar hum sahi samay par aankho ki care na kare to aankho ko kai parkar ke rog hone ka khatra bana rahega jese ki najar kamjor hona, eye infection, safed motiya, aankho mein jalan sujan aur dard hona.

Dosto is leekh mein hum jaanege ki kese apni aankhon ki dekhbhaal kare. Vese to aankho ke treatment ke liye bahut se eye drop medicine bhi milte hai par hum janenge kaise ghar par hi gharelu nuskhe apna kar aankho ki bimariyo ka upchar kare.

Aankho ki Roshni Badhane ke Upay (Eye Sight Treatment Tips)

Healthy eyes ke liye vitamin A bahut jaruri hota hai. Hari sabjiyo aur fruits mein vitamin A bharpur hota hai. Salad khane aur juice peene se aankho ki roshni teej hoti hai. Agar aap ko ya aapke ghar mein kisi chote bache ki najar kamjor ho gyi hai aur kam umar mein hi chashma lag gya hai to chashma hatane ke in upayo ko padhe.

Aankho ke Niche Kaale Ghere (Eyes Dark Circles)

1. Aaloo: Aaloo ke tukde kar ke 10 minute ke liye aankho par rakhe. Aaloo aankho ke liye kaafi acha hota hai. Isse aankho ki thakavat door hoti hai aur aankho ke niche dark circles se chutkara milta hai.

2. Kheera: Aksar neend puri na hone se, jada stress lene se aur shareer mein khoon ki kami hone se aankho ke niche dark circles ban jaate hai. Dark circles se chutkara paane ke liye kheere aur kakdi ke tukde aankho par rakhe. Isse aankhon ko thandak milti hai aur aankho ke niche kaale ghere khatam hote hai. Kheere ko salad mein bhi khana aankho ke liye acha hota hai.

Aankho ke Sankraman ka ilaj (Eye Infection Treatment)

1. Seb ka Sirka: Aankho par kisi wajah se koi sujan ya infection hone par 1 glass paani mein 1 chamach seb ka sirka daale aur cotton ko isme bhigo kar aankhe saaf kare.

2. Dhaniya ka Paani: Aankho mein jalan, dard ya koi sujan ho gya ho to dhaniya ki sukhi pattiyo ko paani mein ubaal le. Thanda hone par isse aankho ko dhoye. Aankho ko kisi bhi parkar ka infection hua ho ye upay kaafi kaargar hai.

3. Tulsi: Eye infection ke upchar ke liye tulsi ke patte raat ko sone se pahle paani mein rakh de aur subh iss paani se aankhe dhoye.

4. Dahi: Aankho ki sujan aur infection kam karne ke liye sujan par dahi ka leep lagaye.

5. Namak: Eye infection ka ilaj karne ke liye ye nuskha kaafi aasan aur faydermand hai. Ubalte hue paani mein thoda namak mila kar usme cotton bhigo kar aankho ki sikayi kare.

Aankho Mein Khujli Hona (Itching on Eyes)

1. Harad: Choti harad aur maajufal ko pees kar aankho mein lagane se aankho ki khujli door hoti hai.

2. Anda: Ande(egg) ke chilke ko jala kar use pees le aur aankho mein lagaye, is upay se aankho ki khujli khatam hoti hai.

Aankhon mein Jalan aur Dard (Pain in Eyes)

  • Agar aapki aankho mein jalan ya dard ho rha hai to kisi saaf kapde ko thande paani mein bhigo kar aankho par rakh kar aankhe senke. Ankho ka rang laal hone par aur aankho pe sujan aane par bhi thande paani se aankho ki sikayi kare. Agar sardiyo mein ye samsya ho gyi hai to garam paani se aankho ki sikayi kare.

Aankho ka Bhengapan Kaise Door Kare (Squint)

Teedha ya galat taraf dekhna bhengepan ki nishani hai. Bhengapan door karne ke liye kuch upay hai jinhe bar bar practice karne se fayda milega.

  1. Ek normal chashma le jo bina number ka ho, ab is chashme ke sheesho ko kaale rang se paint kar de bas iske beech ke bhaag ko safed rehne de. Ab is chashme ka jada se jada isteemaal kare aur chashme ke safeed bhaag se dekhne ki koshish kare. Is paryog se teedha dekhne ki aadat chut jayegi.
  2. Anguthe ke sath wali ungli ko naak ke aage rakhe aur is ungali ko dono aankho se dekhe. Ab is ungli ko daaye baaye ek hi line par ghumaye aur bina sir hilaye dono aankho se ungali ko dekhte rahe.

Eye Care Tips in Hindi : Aankho ki Dekhbhaal aur Parhej

  1. Aankho ko swasth rehne ke liye aaram ki jarurat hoti hai isliye 6 se 8 ghante ki neend jarur le nhi to aankho ke niche kaale ghere banne lagenge aur aankhon ki roshni bhi kam hone lagegi.
  2. Subh nahane se pahle kisi tub ya balti mein paani bhar kar aapna muh paani mein daal kar aankhe khol de. Ankho ko kisi bhi parkar ka rog ho is upay ko rojana karne se fayda milega.
  3. Aankho se dhul mitti saaf karne ke liye aankho ko thande paani se dhona chahiye. Ek haath ki ungli ko aankh ke niche rakh kar aankh khole aur dusare haath se aankh mein thande paani se cheete maare, ya fir muh mein paani bhar le isse aankhe puri khul jayengi fir aankho par paani ke cheete mare. Is kirya se aankho se dhool mitti ke kan nikal jayenge.
  4. Dono haatho ki katori bana kar 1 minute tak aankho par rakhe, ab bina haath hataye apni aankhe khole aur andhere ko dekhe. Is upay ko karne se aankho ki thakan door hoti hai aur aankho ki roshni bhi badhti hai.
  5. Best Eye Care Tips: Lagatar t.v dekhna ya computer chlana aankho ke liye acha nhi hai. Jada najdik se tv dekhne se bhi aankho ki roshni kam hoti hai.
  6. Baalo par hair dye, color ya koi chemical shampoo lagane se parhej kare.
  7. Smoking na kare.
  8. Dhoop mein bahar jaana ho to koi sunglasses ya koi googal jarur pahne. Ye aapki aankho ko tej dhoop aur dhul mitti se bachayenge.

Motiyabind ka ilaj (Safed Motiya)

Aagar aapki aankh ki putali safed ho gyi hai to ye motiyabind ke lakshan hai jisme aankho ka lens kharab ho jata hai.

  • Allopathy mein motiyabind ka upchaar karne ke liye operation karwana padta hai.
  • Saunth, saunf aur hing ko pees kar shahad mein mila kar rojana khaye, isse safed motiya ka ilaj karne mein fayda milta hai.

Aankho ke Rogo ka Upchar Yoga se

Jis parkar shareer ke dusre ango ko healthy rakhne ke liye yoga hota hai thik usi tarah aankho ko heathy banaye rakhne ke liye bhi aap kuch yoga kar sakte hai.

  • Sab se pahle kisi jagah par baith jaye fir bina sir hilaye upar ki aur dekhe fir niche dekhe. Thik isi tarike se bina sir hilaye daayi taraf dekhe fir baayi taraf dekhe. is kirya ko 8 se 10 baar karne se aankho ki badhti hai.
  • Bina palak japkaye kisi dur ki cheej ko 20 se 25 second tak dekhe fir bina sir hilaye aankho ko kisi dusri jagah le jaye. is kirya ko kam se kam 5 baar kare.
  • Aankho ko clockwise aur anticlockwise ghumaye.
  • Baba Ramdev ke bataye hue sarwangaasan ko karne se aankho ki roshani tej hoti hai.

Is article mein humne jaana eye care tips in hindi. Vese to home remedies se treatment karne ke nuksaan nahi hote fir bhi hamari yahi salah hai ki kisi bhi gharelu upay aur nuskhe se upchaar karne se pahle kisi ayurveda vaid ya doctor ki salah jarur le.

Dosto ye aankho ke rogo ka ilaj karne ka ye leekh kaisa laga hame comment karke bataye aur agar aapke pass koi sujhaav aur anubhav ho to hamare sath share kare. Is website par hum rajiv dixit aur baba ramdev ke ayurvedic, gharelu aur homeopathy tips bhi share karte hai.

हम आशा करते है की sehatdoctor के द्वारा दी गई जानकारी आपको पसंद आई होगी और जिस भी परेशानी के नुस्खे आपने पढ़ें है उस परेशानी में भी आपको आराम प्राप्त हुआ होगा| किसी भी अन्य बीमारी या परेशानी के लिए हेल्थ टिप्स इन हिंदी (health tips in hindi) और घरेलु नुस्खे इन हिंदी (gharelu nuskhe in hindi) जरूर पढ़ें और लाभ प्राप्त करें| आपका अनुभव कैसा रहा इसकी जानकारी कमेंट करके जरूर बताए |

Recent Articles

111 टिप्पणी