Spinal Cord Injury: Reedh ki Haddi Me Chot ki Jankari Hindi Mein

Disease - बीमारी Spinal Cord Injury: Reedh ki Haddi Me Chot ki Jankari Hindi Mein

Spinal Cord Injury: Aapne aksar lakwa aur polio jesi bimariyo ke bare mein suna hoga jiske kaaran shareer ke bahut se ang kaam karna band kar dete hai aur insaan chalne firne mein asamarth ho jata hai. Par ridh ki haddi mein chot lagne se body ko paralysis ho jata hai aur shareer ke parbhavit ang kaam karna band kar dete hai. Is leekh mein hum log janege reedh ki haddi mein chot lagne par kya hota hai aur uske baad patient ko kya karna chahiye.

Spinal Cord Injury in Hindi, Reedh ki Haddi Mein Chot

 

Spinal Cord(Reedh ki Haddi) Kya Hai

Spinal cord hamari body ka sabse important hissa hai jise hum reedh ki haddi bhi kehte hai jo chote chote manko(vertebrare) se mil kar bani hoti hai. Ye hamare mastishak(brain) ko hamari body se jodta hai jisme spinal nerve ke 31 pair hote hai. Spinal cord ke 4 hisse hote hai jisme 8 cervical, 12 thoracic, 5 lumbar, 5 sacral aur 1 coccygeal nerve hoti hai.

Spinal cord mein nerves(tantrikaye) hoti hain jise hum spinal nerve kehte hai. Spinal nerve hamare brain ke signal aur message hamare shareer ke dusre hisso tak pahunchata hai aur shareer ke ango ke message brain tak bhi pahunchata hai.

Spinal nerve 2 tarike ke message bhejta hai motor aur sensory function. Jab hame body ke kisi hisse ki movement karte hai tab spinal nerve motor function ka signal bhejta hai aur jab kisi ang ko sparsh karte hai tab sensory signal send karta hai aur receive karta hai.

Spinal cord mein ek taral padarath(fluid) hota hai jise cerebrospinal fluid kehte hai. Ye taral padarath reedh ki haddi ko suraksha pardaan karta hai aur kisi bhi tarike ki chot(injury) se bachata hai.

 

Spinal Cord Injury : Reedh ki Haddi Me Chot

Jab hamari reedh ki haddi par kisi bhi jagah koi chot lagti hai ya kisi parkar ka damage hota hai tab hamari body ko paralysis hone ka khatra hota hai jisme sharrer ke ang kaam karna band kar dete hai aur ango ko chune ka pta bhi nhi lagta.

Spinal cord injury(SCI) mein mobility aur sensory function kaam karna band kar dete hai. Spinal cord par jis jagah injury hoti hai uske niche ke hisso par iska asar padta hai, agar chot kamar par lagi hai to kamar ke niche ke hisse kaam karna band kar dete hai aur agar chot gardan par lagi to iska asar haatho par bhi padta hai.

 

Spinal Cord Injury Ke Kaaran (Causes)

  • Road Accident
  • Sports Injury
  • Gunshot
  • Falls
  • Dive in low water level

 

Effects of Spinal Injury

Spinal injury ka body par kitna parbhaav padta hai ye injury ke level aur injury type se pta lagta hai. Rirh ki haddi par jitna upar chot lagti hai utna hi jaada asar shareer ke ango par padta hai.

  • Agar Sci cervical vertebrae (C1 – C8) par hoti hai tab shareer ke dono haatho, dono pairo, kamar, chest, bowl, bladder aur sexual function kaam karna band kar dete hai jise Quadri-paralysis kehte hai. Cervical injury mein kuch logo ke dono hatho ki jagah ek hi haath par paralysis hota hai jise hum tetra-paralysis kehte hai.
  • Cervical ke C1 – C4 par damage hone par dono haath aur dono pairo ki movement bilkul band ho jaati hai aur laterine – bathroom ka sensation aur control bhi nahi rehta.
  • C5 – C8 par injury hone par patient apne dono haatho ko utha paate hai par wrist, triceps aur fingers kaam nahi karti. Is level ki injury mein kuch logo ki triceps aur wrist ki movement hoti hai par fingers fuction nahi karti.
  • Agar injury lumbar aur sacral vertebrae par hoti hai to iska asar dono pairo par, hips, stomach, bowl, bladder aur sexual function kaam karna band kar dete hai.
  • Thoracic nerves ki T1 – T5 par damage hone par kamar ke niche ka hissa, legs, bowl bladder function aur sexual piwer par effect padta hai.
  • T6 – T12 aur usse niche kisi vertebrae par injury hone par bowl bladder, sexual power aur legs par paralysis hota hai.

 

Complete aur Incomplete Injury

Jab bhi spinal cord injury ki baat hoti hoti hai tab injury type jarur pucha jata hai. Sci 2 tarike ki hoti hai. Complete Injury aur Incomplete Injury.

  1. Incomplete Injury: Incomplete injury ka matlab hai ki spinal nerve ki signal transfer karne ki shamta puri tarah khatam nahi hui hai. Isme patient ko body sensation aur ango ki kuch mobility hoti hai.
  2. Complete Injury: Isme spinal cord koi signal pass nahi kar paati aur shareer mein sensation nahi hoti.

 

Reedh ki Haddi Mein Chot Lagne ke Baad ki Pareshaniya (Complications)

Ye to hum jaan gaye hai ki reedh ki haddi par chot ke baad vyakti ke sharrer ko lakwa ho jaata hai par iske baad bhi kuch cheeje hai jo patient ko aksar pareshaan karti rehti hai.

 

1. Bed Sore: Pure samay bistar par letne ke kaaran patient ki kamar par aur pairo par jakham hone ka khatra jada hota hai. Kyuki patient ko sensation nahi hoti, yahi kaaran hai ki use dard mehsoos nahi hota aur vo kisi bhi parkar ke jakham ke baare mein nahi bta sakta. Isliye jo person patient ki care karte hai unhe hi is baat ka khyaal rakhna hai ki kisi bhi jagah koi sore na ho paye. Iske liye patient ko kabhi bhi ek position mein jada der letne ya baithne na de aur letne par har 2 ghante mein side change karye, rojana bistar aur kapde badle.

Aaj kal bed sore se bachne ke liye air mattress aur water bed bhi aate hai par inke paryog ke bawjood bhi body ki puri care kare.

 

2. Akdan: Spinal injury ke baad body mein tightness aati hai aur kai baar pairo mein jhatke aane lagte hai. Vese to akdan(spasticity aur spasm) ke upay ke liye kuch medicines bhi aati hai par regular exercise kare to shareer mein hone wali akdan kam hone lagti hai.

 

3. Urine Infection: Spinal cord injury mein patient ko bathroom karne ke liye bladder mein cathater lagana padta hai jiski wajah se urine tract infection(UTI) hone ka khatra jada hota hai. Isse bachne ke liye paani jada piye aur cathater sahi samay par change karte rahe. UTI hone par doctor ki salah se kuch medicine le sakte hai.

 

Injury ke Baad Exercise (Physiothearpy)

  • Dosto reedh ki haddi ki chot se ubharne, body ki sahi dekhbhaal, recovery aur pareshaniyo se bachne ke liye niyamit roop se exercise jaruri hai.
  • Shuruaat mein patient khud exercise nahi kar sakta to jo person uski care karta hai use hi haatho pairo ki exercise karni chahiye.
  • Exercise shuru karne se pahle doctor ki salah jarur le aur ho sake to kisi professional physiothearpist ki help le.
  • Yoga aur pranayam karna bhi acha hai.

 

Spinal Cord Injury Treatment

Dosto durbagyawash abhi tak spinal cord injury ka kuch asardar treatment nahi hai.

  • Aap ne shayad Stem Cell Transplantation ke bare mein to suna hoga. Bahut se patients is treatment ko karwa chuke hai kuch logo ko sensation recovery mein fayda bhi mila hai par abhi tak kisi ko complete recovery nahi mil paayi hai.
  • Duniya bhar mein doctors aur scientist stem cell ki research par lage hai aur aksar ye umeed bhi ban jaati haim ki bahut jald isse result milne shuru honge.
  • Kuch log ayurvedic aur homeopathy treatment bhi le rahe hai, par abhi tak hamare pass mobility recovery ki koi pukhta jankari nahi hai.

 

Is leekh mein hum ne spinal cord injury ke baare mein kuch jaruri jankari batane ki koshish ki hai. Hum aage bhi apne paryaas jaari rakhenge ki aapko SCI se judi sbhi jaankariya detail mein share kare aur hum kuch aese logo ki stories bhi share karenge jo is injury ke baad bhi apni life ko ek ache tarike se jee rahe hai aur samaaj ke liye ek misaal hai.

 

Agar aapke pass Spinal Cord Injury (SCI) ke treatment se judi koi jaankari, sujhaav, upay ya anubhav hai to hamare sath share kare taki aur logo ko bhi aapke anubhav aur jankari ka fayda mil sake.

Recent Articles

शतावरी के फायदे,उपयोग और रेसिपी (asparagus in hindi)

शतावरी  (asparagus in Hindi) प्राचीन समय से शतावरी का इस्तेमाल औषधि के रूप में होता हुआ आया है| शतावरी को अंग्रेजी में एस्पेरेगस के नाम...

मेथी के अचूक फायदे,उपयोग और रेसिपी (fenugreek in hindi)

मेथी (fenugreek in hindi) मेथी का नाम लगभग सभी ने सुना ही होगा, मेथी का इस्तेमाल सब्जी के साथ साथ परांठे बनाने में भी इस्तेमाल...

ऐश गॉर्ड के फायदे,उपयोग और रेसिपी (ash gourd in hindi)

पेठा या ऐश गॉर्ड (ash gourd in hindi) शायद ही कोई इंसान हो जिसने पेठे का नाम ना सुना हो, हम सभी पेठे को मिठाई...

पालक के अचूक फायदे,उपयोग और रेसिपी (spinach in hindi)

पालक (spinach in hindi) शायद ही कोई इंसान हो जिसने पालक का नाम सुना ना हो| पालक का अंग्रेजी में स्पिनच कहते है| पालक में...

326 COMMENTS

  1. meri rid ki haddi tutne se mere pair nhi chal rahe hain aur sore jakham bhi ban gaye hain aur wo theek nhi ho rhe hain mujhe 5 sal ho gaye hain me theek kaise hunga bolo aap ilaz kr sakte ho bolo

    • Monu jesa aapne bataya reedh ki haddi tutne ke baad apke pair nahi chal rahe, is condition ko paraplegic kehte hai, jesa mene is article mein bhi bataya spinal cord injury ke baad exercise sabse bda rasta hai body ki recovery ka. Regular exercises karte rahe.
      Bed sore ke treatment mein sab se jaruri hai ki sore par pressure na aaye,agar jakham par dabav padta rahega to ye thik nahi hho payega. Iske sath sore ki safayi kare ar har roj dressing karte rahe. Khane pine mein bhim kych esi cheeje add kare jo jakham jaldi bharne mein madad kare.

      • sr kya me kabhi thik bhi ho paunha.
        ya jindgi bhar esa hi rahunga akhir kb tk
        plz help me.
        koi gharelu upay bya do
        I’m belong to a very poor family.

        • Monu hum aapki condition ko jante hai aur aapki feelings bhi smjhte hai, agar aapko is condition se bahar nikalna hai to aap physiothearpy par jada dhyaan de. Aur koshish kare kisi wheelchair par baith kar ghar se bahar ghumne firne jaye. Bahut se ese log hai jo spinal injury ke baad wheelchair par ache tarike se apni life ji rahe hai, aap facebook par ese logo se jud sakte hai. Aap sports bhi khel sakte hai, isse body bhi active rahegi aur exercise mein bhi madad milegi.

          • sr jb chot lagi thi to mere pair sidhe the 2 mahina ke baad sukad gaye aur bhi tk sithe nhi huye hai pairon ko exercises krke sihde krte hai to jate hai pir un ko chhodo to pir se sukad jate hai sidhe krte pe pairon me bhi dard hota hai aur ease pade bhi dard hota hai aur jkham me bhi bahut dard hota hai sr me 15 din pahle muradabad hospital me gaya tha MRI karai doctor ne pir doctor ne kaha tha ki nas sookh gai hai davani se theek hota hai to theek ho jayega barna nhi hoga please help me

          • Monu ye sab exercise na karne ki wajah se hua hai. Exercises karne se shareer ke ango mein blood circulation sahi hota hai jisse ang kamjoor nahi hote. Aap exercises shuru kare nahi to ye problem aur badh jayegi.

          • sr esa kya khaya piya jae ki mere jakham jaldi theek ho aur pair bhi ? sr mere pair apnaap sidhe ho jate hai aur sukad bhi apnaap jate hai aur sr pairon me bhi dard hota hai aur jakham me bhi bahut. sr kya me theek ho jaunga please batao

          • Monu pair thik karne ke liye physiothearpy sab se jaruri hai, iske sath body mein takat lane ke liye healthy food khao, jese daale, salad, daliya. Agar non veg kha lete ho to vo bhi kha sakte ho. Pairom mein akdan(spasticity) hone ke karan ye apne aap ikatha ho jate hai.

          • sr mere jakham theek nhi ho rhe hai please sr koi goli batado jakham ? aur mera ling bhi khada hota hai fir bhi me sahi nhi ho raha hu kyon sr please batao

          • Monu Jakham thik karne ka sab se acha tarika hai iski dressing kare aur jakham par dabav na aane de. Bed sore treatment ke liye ek medicine hai jise aap sore par laga sakte hai – Intrasite Gel. Aap ise paryog karne se pahle apne doctor se jarur discuss kare. Vo aapka ghav dekh kar aapko bta sakte hai ki ise pryog karna hai ya nahi aur karna hai to kese.

      • sr exercises kaise ki jaye batado please aur jakham ki koi goli mere pair ilaaz krne se sahi ho sakte hai app kr do ge bolo please

        • Monu exercise do tarike ki hoti hai active aur passive. Passive exercises mein dusra vyakti aapki exercises karta hai aur active mein aap khud karte hai. Iske ilava posture exercises bhi hoti hai, meri yahi salah hai ki kisi physiothearpist se mile aur shuruaat mein unse exercise karwaye.

      • sr maine aap ko apni sari condition bata di hai sr aap mujhe itna bata do ki me aap ke paas akar theek ho jaunga batao sr please