Chehre se Pimples Keel Muhase Hatane ke 15 Aasan Tarike

Beauty Tips - ब्यूटी टिप्सChehre se Pimples Keel Muhase Hatane ke 15 Aasan Tarike

Chehre se Pimples Hatane ke Upay: Gore face par agar koi daag dhabba ya nishan ho jaye to ye chehre ki sundarta bigad dete hai. Chehre par pimples aur keel muhase nikalna aajkal normal ho gya hai, jadatar pimples oily skin par nikalte hai aur ye samasya nojawano mein adhik hoti hai. Agar pimples ko haath se fod de tab chehre par iske nishaan reh jaate hai.

Khane ki galat aadto ki wajah se shareer ki garmi kai baar muhaso ke jariye bahar nikalti hai. Skin ko hydrate karne wali cheeje khaye aur junk food se door rahe to ye samsaya nahi hoti. Paani, fruits aur hari sabjiya skin ko healthy rakhne mein madad karte hai. Is leekh mein hum pimples aur daag dhabbe se bachne aur unka upchar karne ke kuch gharelu nuskhe(home remedies) bata rahe hai, aaiye jane pimples ka ilaj in hindi.

Chehre se Pimples Keel Muhase Hatane ki Home Remedies in Hindi

Keel Muhase ke Kaaran

Chehre par pimples hone ke bahut se kaaran ho sakte hai.

  • Harmon imbalance
  • Cosmetic beauty products ke side effects
  • Kisi cheej se allergy hone par
  • Pet ki bimariya hone par
  • Jada tala hua aur oily khana khane se
  • Oily skin hone ki wajah se

Pimples se Bachne ke Parhej

Khaane ki aadto ko sudhar kar aur kuch parheej kar ke hum pimples ki is samsaya se bach sakte hai. Ice cream, refined, coffee, tea, cold drink, junk food jesi cheejo se door rahe. Iske ilava agar aapki twacha oily hai to uska bhi upay kare.

Chehre se Pimples hatane ke Gharelu Upay: 15 Home remedies

Chehre se pimples, daag dhabbe aur jhuriya hatane ke liye hum bhut se cosmetic products isteemaal karne lagte hai jo mehnge to hote hi hai aur agar ye beauty products aapki skin ko suit na kare to side effect bhi ho sakte hai, kyuki inme chemicals hote hai. Aap ghar par hi kuch gharelu nuskhe isteemaal karke face pack bana sakte hai jo na to mehnge honge aur na hi unka koi side effect hota hai.

1. Bhaap (Steam): Chehre se kil muhase nikalne ke liye sab se pahle jaruri hai face se dhool mitti ke kan bahar nikale. Iske liye aap garam paani se face ko bhaap de sakte hai. Agar garam paani mein thoda nembu ka ras mila kar bhaap lenge to aur bhi fayda milega.

2. Neem: Oily skin ke liye neem ke patto ko paani mein ubaal kar us paani se chehre ko dhoye aur ubali hui pattiyo ko pees kar ek leep banaye aur face par lagaye. Neem ke sabun ke istemaal se bhi oily skin se nijaat milti hai.

3. Aloevera: Aloevera skin ko healthy aur fresh rakhne mein bahut kaargar hai. Aap aloevera gel ko chehre par laga sakte hai, aloevera juice bhi fayda karta hai. Agar kahi aloevera ka podha mil jaye to iske patte ko beech se kaat kar chehre par male, is upay se chehre ki gandagi saaf hoti hai aur skin healthy rehti hai.

4. Gulab Jal: Gulab jal chehre ko saaf karne mein kaafi asardaar hai. Kaali mirch ke 15 se 20 daane pees kar gulab jal mein mila le aur raat ko sone se pahle chehre par lagaye aur subh face ko garm paani se dho le. Is upay se chehre par glow aata hai aur keel munhase saaf hote hai. Gulab jal mein nimbu mila kar chehre par lagane se chehre ki gandagi saaf hoti hai.

5. Amla: Raat ko sone se pahle aawle ke churan ko bhigo kar rakhe aur subh apne chehre par halke haatho se masle. 10 se 15 minute baad apne chehre ko paani se dho le. Ye upaay karne se chehre se jhuriya saaf hoti hai aur chehra chamakne lagta hai aur nikhaar aata hai.

6. Chandan: Chehre se pimples, daag dhabe aur jhuriya dur rakhne mein chandan bhut hi upyogi hai. Chandan mein haldi ka powder aur doodh mila kar ek paste bana le. Is paste ko chehre par lagane se keel muhase aur skin ki jalan se nijaat milti hai.

7. Besan: 3 se 4 chamach besan mein thoda sa kapoor, haldi powder aur nembu ka ras mila kar paste bana le aur face par lagaye. Jab ye paste sukh jaaye tab thande paani se chehre ko dho le. Besan ko dahi ya lassi mein mila kar chehre par lagane se bhi keel munhase aur jhaiya se chutkara milta hai.

8. Pudeena: Pimples ko haath se fodne par daag dhabbe reh jaate hai. Chehre ke daag dhabbe aur pimples ke nishan saaf karne ke liye pudeene ko pees kar leep bana le aur isse har roj apne chehre par lagaye. Ek mahine tak is nuskho ko aajmaane se chehra saaf aur sunder ho jata hai.

9. Nembu: Oily skin par nembu ko malne se chehre ki chiknayi gayab ho jaati hai aur keel muhase saaf ho jaate hai.  Neembu mein shahad mila kar leep banaye aur chehre par lagaye. 15 se 20 minute baad chehre ko dho le. Is upay se chehre mein jami dhool mitti bahar niklti hai, chehre mein glow aata hai aur pimples door hote hai.

10. Tulsi: Tulsi ke taaja patto ko sukha kar pees le. Ab isme thoda sa paani mila kar ek leep banaye aur chehre par lagaye. Tulsi ke is leep se pimples aur jhuriya gayab hone lagti hai. Is upay ko 15 se 20 din lagatar karne par aapko farak dikhne lagega.

11. Kapoor: Kapoor ko nariyal ke tel mein mila kar pimples aur daag dhabbo par lagaye. 10 se 15 minute tak ye leep lagane ke baad chehre ko saaf paani se dho le. Ise 8 se 10 din tak karne par keel muhase, jhuriya aur pimples ke nishan gayab ho ujaate hai.

12. Pyaaj: Pyaaj kaat kar tel mein paka le aur thanda hone par kisi saaf kapde mein bandh kar chehre par ragde.

13. Makhan: Tilo ko pees kar makhan mein ache se mila le aur ek paste bana le. Har roj is leep ko chehre par lagane se chehre mein nikhaar aata hai aur daag dhabbe bhi saaf ho jate hai.

14. Karela: Agar aap ko bar bar keel muhase hote hai to 1 se 2 karele kaat kar paani mein ubaal le. Ab karele ke is paani ko piye. Isse pimples ka nikalna band ho jayega.

15. Multani Mitti ka Face Pack: Multanni mitti chehre ke liye raamban ilaj hai. chehre par pimples, blackheads, jhuriya, daag shabbe ya koi nishan ho multani mitti ka face pack bana kar kuch dino tak chehre par lagane se sab saaf ho jayenge.

Pimples se Bachne ke Important Tips in Hindi

  • Skin ko hydrate aur healthy rakhne ke liye din mein 3 se 4 litre paani piye.
  • Fast food aur bazaar mein milne wali cheejo se parhee kare.
  • Fruits aur salad jada khaye.
  • Chehre ko baar baar hath na lagaye.
  • Din mein 2 se 3 baar chehre ko paani se dhoye taaki face par dhool mitti ke kan jama na ho paaye.
  • Chemical wale beauty products ka isteemaal kam kare.

Kai baar hame kisi shadi ya function mein jana hota hai aur chehre par pimples hone ki wajah se hum bahar nahi jate. Is samasya se bachne ke liye aap makeup ka sahara le sakte hai. Kuch beauty products aese hai jo aapke keel muhase aur daag dhabbe chupa dete hai.

Lehsun mein powerful anti aging tatav hote hai, iske ilava lehsun natural steroid ka kaam bhi karta hai. Rojana lehsun ki kachi kaliya  chba kar khaye aur upar se paani piye. Is upay se skin, aant aur saans ke infection door hote hai aur skin hydrate hoti hai.

Dosto Chehre se Pimples Hatane ke Gharelu Upay: Home Remedies in Hindi ka ye leekh aap ko kaisa laga hame bataye or agar aapke pass face ke kil muhase ka ilaj ke desi nuskhe ya fir beautiful aur glowing skin paane ke koi sujhaav ya anubhav hai to hmare saath share kare, aapke dwara share ki gayi information se dusro ko bhi fayda mil sakta hai.

हम आशा करते है की sehatdoctor के द्वारा दी गई जानकारी आपको पसंद आई होगी और जिस भी परेशानी के नुस्खे आपने पढ़ें है उस परेशानी में भी आपको आराम प्राप्त हुआ होगा| किसी भी अन्य बीमारी या परेशानी के लिए हेल्थ टिप्स इन हिंदी (health tips in hindi) और घरेलु नुस्खे इन हिंदी (gharelu nuskhe in hindi) जरूर पढ़ें और लाभ प्राप्त करें| आपका अनुभव कैसा रहा इसकी जानकारी कमेंट करके जरूर बताए |

Recent Articles

414 COMMENTS

    • Rahul agar aap ek upay bhi sahi tarike se kar lo to sabhi karne ki jarurat nahi, aapko ek se hi fayda mil jayega bas dekh le kon sa upay aap aasani se kar sakte hai.