Home Hair - बाल Hair fall - बाल झड़ना Baalo Ka Jhadna Roke 7 Dino Mein: Gharelu Upchaar Hindi Mein

Baalo Ka Jhadna Roke 7 Dino Mein: Gharelu Upchaar Hindi Mein

233
1368
Baalo Ka Jhadna Roke,hair fall treatment in hindi

Baalo Ka Jhadna Roke: Aaj ke samay mein bahut se karano ki vajah se samay se pehle hi hamare baal girane ya tutne lagte hai. Agar baalo ki dekhbhaal sahi tarike se na ki jaye to baal girane shuru ho jate hai. Chahe aadmi ho ya aaurat baal jhadne ki samasya se har koi pareshan hai. Vese to logo ke baal thode bahut jhadte rehte hai par agar hair fall normal se jada hai to ye ek badi aur gambhir samasya hai. Yahan hum aapko jhadte baalo ko rokne ke gharelu nuskhe bata rahe hai jinke paryog se aap baalo ke girne aur tutne ki samasya se chutkara pa sakenge. Aaiye jane dadi maa ke gharelu nuskhe in hindi for hair fall.

Baalo Ka Jhadna Roke, Hair Fall Treatment in Hindi

Baal Jhadne Ke Karan

  1. Baal jhadne ki sabse badi vajah tanaav aur hamara khan-paan hai.
  2. Harmons ka asantulan
  3. Kisi cheej se allergy ya koi infection.
  4. Body main poshak padartho(nutrition’s) ki kami hona.
  5. Kisi dava ka side effect.
  6. Baalo ki sahi dekhbhaal na karna, ghatiya saabun aur shampoo ka use karna.
  7. Kai baar mausam ke badalne ki vajah se bhi baal tutne aur girne lagte hai.

 

Baalo Ki Dekhbaal Kaise Kare

  1. Jo shampoo ya sabun aapko suit na karta ho uska isteemaal na kare.
  2. Hafte mein kam se kam 2-3 baar apne baalo ko ache se dhoye.
  3. Kam se kam 1 baar tel se sir ki maalish jarur kare.
  4. Nutrition wala khana khaye.
  5. Rojana 3 se 4 litre paani jarur piye.
  6. Baalo mein russi(dandruff) na hone de.
  7. Baalo mein juyen na padne de.

 

Baalo Ka Jhadna Rokne Ke 20 Gharelu Upchaar

1.  Aaj kal kafi log ye jaana chahte hai ki baal jhadna kaise kam kare. Agar aapke baal jhadte hai to is leekh mein bataye gaye gharelu upayon ko apnakar aap 7 dino mein apne baalo ka girna aur tutna rok sakte hai.

2. Hamare sharir ki banawat mein paani ki maatra lagbhag do teehayi hoti hai. Sharir ke sabhi ango ko healthy banaye rakhne mein paani ki jarurat padati hai. Har roj 10 se 12 gilass paani pene se rakt sanchar mein sudhaar hota hai. Paani se hamare sharir ke kisi bhi rog ko rokne ke liye shakti paida hoti hai. Aur isse hamare balo ki jaade bhi majboot hoti hai. Paani hamare baalo mein ek nayi chamak paida karta hai, aur unhe swasth aur sundar banaye rakhta hai. Agar aap apne baalo ko girane se rokna chahte hai to aap paani peene mein koi kanjusi na kare aur jee bhar ke paani piye. Paani se hamara wajan bhi kam hota hai.

3. Jhadte baalo ko rokne mein dahi ek bahut hi asardar gharelu upaay hai. Dahi se baalo ko nutition milta hai. Baalo ko dhone se adha ghanta pehle baalo mein dahi lagaye aur jab ye puri tarah sukh jaye to paani se dho le.

4. Baalo ko dhone se 1 ghanta pehle baalo mein anda lagane se bhi baal majboot hote hai.

5. Kai baar hamari body mein thik se rakt sanchar (blood circulation) na hona balo ke girne ki vajah hoti hai. Rakt sanchar thik se rakhne ke liye hame har roj exercise aur yoga karna chahiye jisse hamari body ke un chidro tak poshak tatv pahunch sakenge jahan se baal ugte hai.

6. Baal jhadne se rokne ke upay ke liye dahi mein nimbu ka ras mila kar prayog kiya ja sakta hai. Nimbu ke ras ko dahi mein milakar paist bana le aur nahane se pehle is paist ko baalo mein lagaye. Aadha ghanta baad baalo ko dho le. Baalo ka girna kam ho jayega.

7. Dudh ya fir dahi mein besan mila kar ek ghol bana le fir is ghol se baalo ko dhoye. Isse bhi baalo mein chamak aati hai aur jhadna bhi band hota hai.

8. Shahad ke prayog se bhi baalo ka jhadna roka ja sakata hai. Hafte mein ek baar 1 chamach shahad aur 1 chamach nembu ko mila kar baalo mein lagaye aur aadhe ghante baad sirv dho le. Baalo ka girna bahut kam ho jayega.

9. Daalcheenee aur shahad ko mila kar baalon mein lagane se bhi hair fall band hota hai.

10. Baalo ko majbut banane aur tutane se bachane ke liye baalo ko poshan dijiye. Mehandi mein bharpur poshan hota hai jo baalo ke liye faaydemand hai, isliye baalo mein mehandi lagani chaahiye. Menhadi ko ande(egg) ke sath mila kar lagane se bhi bahut fayda hota hai.

11. Vitamine D baalo ke liye bahut jaruri hota hai. Vitamine D baalo ko badhne mein madad karta hai. Iske liye aap ko vitamin ki koi dava lene ki jarurt nahi. Suray ki kirano mein vitamin D bharpur maatra mein hota hai. Agar aap har roj kam se kam 15 minute ke liye suray ki kirane apne sharir par padne dete hain to aapko us din ke liye jaruri vitamine D ki khuraak mil jayegi. Par dhyaan rahe bahut jada garmi aur teej dhoop aapki skin ko nuksaan pahuncha sakti hai. Aap subah aur shaam ko suray ki kirano ka fayda le sakte hai.

12. Kache papete ka paist 10 se 15 minute ke liye sir par lagaye. Isse baal bhi nahi jhadege aur dandruff(rusi) bhi nahi hogi.

13. Baalo ka girna rokne aur baalo ko lamba karne ke liye hafte mein ek baar rosemary oil se apne baalo ki masaaj kare, isse baal majaboot hote hain.

14. Jadatar logo ko hair fall ki shikayat galat khane ki vajah se bhi hoti hai. Junk food aur tale hue khane mein paushtik tatvo ki kami hoti hai isse hamari body ko sahi maatra mein iron, calcium, jink, vitamin C aur protein nahi mil paate jo baalo ke badhne ke liye bahut zaruri hote hai. Is liye hame hari sabjiyaa, fruits, sukhe meve, doodh, ande khane chahiye jisse hamari body mein paushtik tatvo ki kami na rahe.

15. Garam jaitun ke tel mein 1 chamach shahad aur 1 chamach daalchini paudar mila kar ek paist bana le aur ye paist nahane se 15 minute pehle baalo par lagane se baal girna band ho jata hai.

16. Neem ke patto ka paist bana kar apne sir par kuch der lagaye rakhye. Fir baal dho le. Baalo ka jhadna band ho jayenge.

17. Hafte mein ek baar til ka tel baalo mein jarur lagaye. Is tel ke upayog se baalo ka girana kam ho jaata hai.

18. Aadha cup dahi mein 1 graam kaali mirch aur thoda nembu ka ras mila kar baalo mein lagaye, isse baalo ko bahut fayda hoga.

19. Smoking karna aur sharab peena hamari puri body ke liye hanikaarak hai ye hamare shareer mein aise vishaile tatv paida karte hai jo hamare hairs ke liye ache nahi hote hai. Is liye agar aap apne shareer aur apne baalo se pyaar karte hai to bidi, cigrate aur sharab ke sevan se puree tarah se parhej kare.

20. Naariyal ka tel bhi baal girne se rokne mei kafi kargar sabit hua hai.

 

Gharelu Nuskhe for Hair Fall in Hindi

Is leekh mein bataye gaye sabhi hair fall ke gharelu upay logo ke anubavo ke aadhar par tyaar kiye gaye hai. Vese to gharelu nuskhe ayurevedic hote hai aur inka koi nuksaan ya side effect nhi hota fir bhi hamari yahi salah hoti hai ki agar aap kisi bimari ka ilaj doctor se karwa rahe hai aur uski dawa chal rhi hai to aap kisi bhi gharelu nuskhe ko shuru karne se pehle apne doctor se salah jarur karle.

Agar aapki skin jada senstive hai to koi bhi upay karne se pahle use apni body par kahi aur lga kar test jarur kare.

 

Dosto Baalo Ka Jhadna Roke 7 Dino Mein aap ko ye lekh kaisa laga hame jarur bataye aur apne anubhav hamare sath share kare. Aur agar aap ke pass bhi hair fall rokne ke gharelu upay ya desi ilaj hai to yaha hamare sath share kare. Aap ke dawara di hui jankari se dusro ko bhi fayda milega.

233 COMMENTS

  1. sir_
    yae batayae ki 20 tips choonaa hai ki kise 20 Mae se kise ek choonaa hai mujhe samjh nhi aa raha mujhe salah de plezzz

    • Dharmendra ye sabhi tips baal jhadne se rokne mein madad karte hai, aap koi jo bhi upay acha lage aap use kare..sabhi karne ki jarurat nahi..agar ek bhi sahi tarike se kiya to result mil jayega.

  2. Mere baal bohot had sw jada ghane the bur 3 month se mere baal bohot jada aasani sw gir rahe hai to mai kya karu ki hafte ke anade mere baal girna hi band ho jaay.. Plzz kuch idea de bhagwaan apka bhala kare..

    • Akash abhi sabse pahle aapke balo ko poshan milna bahut jaruri hai, aur agar aap baalo ke liye koi chemical wala product use kar rahe hai to use turant band kare. Healthy khana haye taaki aapke baalo ko poshan mil sake aur baal majboot ho, iske sath is article mein bataye hue upay sahi tarike se apnaye aap ko fayda milega.

  3. Sir Mera Baal Bahut Gir Raha h Bich Me Se Aur Side Me Thik H Mai Kyaa Karu Jo Mera Baal Girna Band Ho Jaye Aur Ugene V Lag Jaye Please Upaay Bataye

    Dhanybaad

  4. Sir mere baal phir se vapash aa skte h jaise phle the mai apne baalo me roz pyaaj aur nemboo ragta hu aisha krne se koi nuksaan to nhi hoga jaha pr baal chle gaye h mai phle wahi pr try krta hi

  5. Hlo sir mere ball side se jhd rhe h or mere age abhi 21years h itni umr m mere ball jhd rhe h inko rokne k liye or bha dubara ball aa jaye koi upay btaye

  6. mere ball bahut dino se jhad rahe hai baal ko chilwa dene ke baad 3 mahina nahi jhdta hai iske baad jhdna shuru ho jata hai

    • Shailendra aapke baalo ko pura poshan na milne se ye kamjor ho gye hai, khane pine mein sudhar kare aur agar koi hair creame ya gel paryog karte hai to turant band kar de. Sath hi yha bataye hut tips kare fayda milega.

  7. Payele mere bal chote and thick achha tha inter thak payele degree me typhoid aya jab had ma shuru huva kam ne huva thin huva Sir dikta hai soob ayurved homeopathy medicine leyu bathali doc se home made bi henna lagathi natural oil shompo use kar ri bt improvement nee dik ra kya karu mere pahele thick hair nahi athe bolo tips char sal hora ye mera thin hair problem

    • Santoshi sabse pahle aapko ye dekhna hoga ki is samay aap esa kya istemal kar rhi hai jo kamjor balo ki wajah ho. Pta lagne par uska paryog band kare. Healthy diet le, exercises aur yoga se din shuru kare aur galat khan paan se bache. Baalo ko poshan milne par baal majboot honge, iske sath yha bataye hue tips bhi apnaye.

  8. anjali

    sir mere bal sir k agese chale boht hi kharab lagta he wha pe fir se nye bal jald se ugne ka koi ach6a upay btaye pls….

  9. dear zatoon ka tell kaisa hai ballo ke liye agar me zatoon ke oil me lemo mela kar lagaon to faida hoga ke nai???? aur pyaz ballo ko faida de sakta hai kya????

    • Sahil jaitun ka tel baalo ke liye acha hota hai aap 3 se 4 din mein isse sir ki malish kare. Aap tel ko halka garam kare aur fir massage kare. Pyaaj ka ras bhi baalo ke liye faydemand hai.

  10. Sir mere baal jhadrhe hai. 1 Day mai 8 baar mere baal jhadte hai. Aur mere sir pe ganjapan hoo rha hai. Aaap mujhe kooi tips de

    • Nishant baal jhadne ka karan baalo ki kamjori hai, aur kamjori hone ki wajah baalo ko sahi poshan na milna. Ab baalo ko poshan 2 tarike se milta hai. Pahla healthy diet lo aur dusra baalo ki ache se care karo. Iske ilava aese products istemal karna band karo jo baalo ko nuksan pahunchate hai. Aap upar bataye hue nuskhe apnaye aapko fayda milega.

  11. sar kahin pe me ne suna tha ke pyaz ko kuchal kar usme shahad mela kar 1gante tak laga rehne de uske baad sar ko dho le ,,to kya aisa karne se faida ho???????????