Peele Dant Safed Kaise Kare: Yellow Teeth Ke 5 Gharelu Nuskhe

Teeth - दांत Peele Dant Safed Kaise Kare: Yellow Teeth Ke 5 Gharelu Nuskhe

Peele Dant Safed Karne Ke Upay: Purane jamane mein log apne dant swasth sundar aur majboot banane ke liye kisi toothpaste aur mothfreshner use nhi karte the. Pehle log neem ka daatun aur keekar ka daatun isteemaal karte the jisse muh saaf rehta tha aur muh ki koi bimari nhi hoti thi.

Agar aapke dant peele ho gaye to aap dusro ke samane khul kar nhi has sakte aur agar koi hame hamare peele danto ke liye kuch keh de to ye behad sharmindagi bhara ho sakta hai.

Dant safed hoto aapki smile achi lagti hai. Dant safed karne ke liye aajkal bazzar mein bhut sare toothpaste, mouthwash aur tooth whitening products aa rahe hai, jo aisa dawa karte hai ki in products ke paryog se kuch hi dino mein aapke teeth strong aur white ho jayenge. Lekin ye products mehenge hone ke sath sath kai bar inke kuch side effects bhi hote hai.

Dant Peele(Yellow Teeth) Hone Ke Kaaran

1. Galat khane peene se hamare danto par peelapan aane lagta hai jaise ki tambacoo khana, bidi ya cigrete peena.
2. Kai baar kisi nayi jagah par jaane se wha ka paani hame suit nhi karta jiski wajah se bhi hamare teeth yellow dikhne lagte hai.
3. Jada chay aur coffee peene se dant par daag aur dhabbe padne lagte hai.
4. Danto ki thik se safayi aur brush na karne se.
5. Thandi cheeje adhiik khane pine se.

Dant Safed Aur Sundar Banana Ke Liye Dentist Treatment

1. Teeth cleaning and polishing treatment karke dentist aap ke danto ko sundar bana sakta hai jisse aapko ek khubsurat smile milegi.
2. Teeth whitening treatment karwa ke bhi aap apne dant safed kar sakte hai.
3. Agar aap ke danto ki banawat thik nhi hai aur aap ke dant muh se bahar nikalte hai ya fir dant tedhe medhe dikhte hai to aap kisi dentist se milkar iska treatment karwa sakte hai. Aajkal tedhe medhe danto ko braces ke jariye seedha kiya ja sakta hai.

Peele Dant Safed Karne Ke Gharelu Nuskhe – Homeremedies in Hindi

Aap kuch gharelu nuskhe apna kar apne danto ka peelapan door kar sakte hai.  Aur ghar mein kiye jaane wale ye upchaar saste aur asardar to hai hi aur inka koi side effect bhi nhi hota.

1. Ek chamach meetha(baking soda) soda mein thoda paani aur chutki bhar namak mila kar danto par lagaye.

2. Pissi hui haldi, thoda namak aur sarso ka tel mila kar ek paist bana le. Subah is paist ko brush ya ungali se danto or masudon par laga le thodi der laga kar rakhe fir baad mein kulla kar le. Is prayog se hilate hue dant jam jaate hai aur danto ka peelapan door hota hai aur sath hi dant bilkul white ho jaate hai. Namak, haldi aur sarso ke tel ke is paist ka lagatar paryog karte rehne se danto mein kabhi bhi payariya nahi hoga aur teeth kabhi bhi yellow nhi honge.

2. Nembu ke chhilko par thoda sa saraso ka tel daal kar dant aur masudho par lagane se peele dant safed or chamakdaar hote hai, masudhe majabut hote hai aur sath hi har parkaar ke keedo tatha paayariya aadi rogo se bachaav hota hai.

3. Neem ke patto ki raakh mein koyle ka chura aur kapoor mila kar rojana masudho par lagane se paayariya ka ilaj hota hai.

4. Saraso ke tel mein sendha namak mila kar danto par lagane se saans ki badbu(durgandh) aur masudho se nikalta blood band ho jata hai aur isse dant bhi majabut hote hai tatha paayariya ko jad se khatam karne mein ye ramban ka kaam karta hai.

5. Do se teen Strawberry le aur unka paist bana kar danto par lagaye, kuch dino ke paryog se hi aap ke teeth white aur chamakdar hone lagenge.

Danto ko Peela hone se Kaise Bachaye

Is leekh mein bataye gaye peele dant safed karne ke gharelu upay (homeremedies) logo ke anubhavo ke aadhar par tyaar kiye gaye hai. Agar aap ke pass yellow teeth ko white karne ka koi desi gharelu upay ho to hamare sath apne sujhaav share kare. Aur ye leekh kaisa laga hame comment kar ke bataye aur apne dosto ke sath bhi share kare.

हम आशा करते है की sehatdoctor के द्वारा दी गई जानकारी आपको पसंद आई होगी और जिस भी परेशानी के नुस्खे आपने पढ़ें है उस परेशानी में भी आपको आराम प्राप्त हुआ होगा| किसी भी अन्य बीमारी या परेशानी के लिए हेल्थ टिप्स इन हिंदी (health tips in hindi) और घरेलु नुस्खे इन हिंदी (gharelu nuskhe in hindi) जरूर पढ़ें और लाभ प्राप्त करें| आपका अनुभव कैसा रहा इसकी जानकारी कमेंट करके जरूर बताए |

Recent Articles

83 टिप्पणी