Bina Color ke Safed Baal Kale Karne ke Upay: White Hair Treatment

Home Remedies - घरेलू नुस्खे Bina Color ke Safed Baal Kale Karne ke Upay: White Hair Treatment

Safed Baal Kale Kaise Kare: White Hair Home Remedies

Aksar hum baalo ko sundar dikhane ke liye hair gel aur kai tarike ke hair products ka isteemaal karte hai, jo kai bar baalo par side effect kar jaate hai. Achi personality pane ke liye beautiful face, fit body hone ke sath sath sundar baal hona bhi bahut jaruri hai. Agar aapke baalo mein dandruff ho gya, baal jhadne lage hai ha ya baal safed hone lage hai to sundar chehra bhi fika pad jata hai.

Aajkal samay se pahle hairs ka white hona ek aam baat ho gayi hai. Jab baal safed hona shuru hote hai agar us samay baalo ki care kar le to hum is samasya ko usi samay badhne se rok sakte hai. Agar kam umar mein hi aapke baal safed hone lage hai to jaruri hai ki aap apne baalo ki dekhbhaal karna shuru kar de.

White hairs ko chupane ke liye jadatar log baalo ko color karte hai ya dye lagate hai par is tarike se baal kuch waqt tak hi kale dikhte hai. Lagataar coloring aur dye ke isteemaal se hamare baal jada safed hone lagte hai. Agar aapko safed baal kale karne ke upay janana hai to pahle ye malum hona chahiye ki baal safed hone ke kaaran kya hai.

Baal Safed Hone Ke Kaaran (Causes)

  • Jada tension lena
  • Galat khan paan
  • Color aur dye ka jada paryog
  • Pardushan (Pollution)
  • Body mein protein ki kami
  • Baalo ki dekhbhaal na karna

Agar aap baal kale karne ke liye bar bar color aur dye ke paryog se pareshaan ho gaye hai aur baal kale karne ke natural tarike janana chahte hai to is leekh mein bataye hue kuch gharelu nuskhe apna kar apne safed balon ko kaala kar sakte hai.

Safed Baal Kale Karne ke Upay: Home Remedies for White Hair

1. Pyaaj: Ek pyaaj kaat kar pees le aur iska paist bana le. Nahane se 15 minute pahle pyaaj ke paist ko baalo par lagaye fir saade paani se dho le. Is gharelu upaay ko har roj karne se baalo ka rang kala hone lagta hai.

2. Hina aur Chakundar: Chakundar ka paryog hair conditioner ka kaam karta hai. Chunkundar ko kaat kar isme ek chamach hina mila kar ek paist banaye aur baalo par ache se lagaye aur aadhe ghante ke baad baal dho le. Is nuskhe ko hafte mein 2 se 3 baar kare. Hina aur chukandar ke ras ke paryog se baalo ko bargandi rang milta hai.

3. Nimbu: 1 chamach nimbu ka ras aur thodi si kali mirch ko ache se mila kar baalo par lagaye aur 20 minute ke baad baal halke garam paani se dho le. Isse baal kale hone lagte hai.

4. Mehandi: White hairs ko black karne ke liye mehandi ka paryog ek natural upay hai, jisse baal kale aur mulayam hote hai. Raat ko sone se pahle mehandi ko lohe ki kadhayi mein chay patti ke paani mein ghol kar rakhe aur subh baalo par 2 se 3 ghante ke liye lagaye fir paani se dho le. Mehandi lagane ke agle din baalo ko shampoo kare. Mehandi ke paryog se balon ko koi side effect nahi hota aur baal sundar bante hai.

5. Pappita: Hafte mein 2 se 3 baar kache pappite ka paist bana kar 10 se 15 minute tak baalo mein laga kar rakhe.  Isse baal kale hone lagte hai, baalo mein dandruff nahi hota aur baal jhadne band ho jaate hai.

6. Aam Ke Patte: Aaam ke patto ke paryog se safed baal kale karne ke upay. Aam ke patto ko pees kar ek paist bana le aur apne baalo mein 15 se 20 minute tak lagaye rakhe fir paani se baal dho le. Aam ke patto ke nuskhe ke paryog se baal kale, lambe aur mulayam hote hai.

7. Bhringraaj aur Ashwgandha: White hair treatment ke liye ayurvedic aushadhi bhringraaj aur ashwgandha ka paist bana kar naariyal ke tel mein mila kar baalo ki jado mein ache se lagaye. Paist lagane ke 1 ghante baad sir ko gungune paani se dho le.

8. Amla Paudar: Safed baalo ka ilaj karne mein amla ka paryog baalo ke liye bhut faydemand hai. Awale ke paudar ko lohe ki ek kadhayi mein dale aur paani ke sath mila kar ek paist bana le. Ab is paist ko 2 se 3 din tak aise hi pada rahne de fir color ki tarah baalo par lagaye. Is paryog se baal kale ho jaate hai. Aawla khane se bhi baal health rahte hai.

9. Adarak aur Shahad: Adarak ko kadukass karke shahad mein mila kar baalo par lagane se baal safed hona band ho jayenge.

10. Shikakayi aur Amla: Is nuskhe ko apnane se baal kabhi safed nahi hote aur safed baal kale hote hai. Shikakayi aur sukhe aawle ko achi tarah se pees le aur raat ko paani mein bhigne ke liye chod de. Agle din paani ko kisi kapde mein masal kar chaan le aur is paani se apne baalo ki maalish kare aur aadhe ghante ke baad sir dho le.

Baalo Ki Dekhbhaal Karne Ke Aasan Upay: Hair Care Tips

  • Hair gel aur balo ke isteemaal ke hair products ka paryog na kare.
  • Rojana sarso ke tel se baalo ki maalish kare.
  • Baalo mein dandruff na hone de.
  • Amla khaane aur amla ka juice peene se hair healthy aur kale rehte hai.
  • Har roj gay ke shudh desi ghee se baalo ki maalis kare.
  • Dahi, tamatar, nembu ka ras mix karke nilgiri ke tel mein mila kar sir ki maalish hafte mein 2 baar kare.
  • Agar aapke baal kam umar mein hi safed hone lage hai to thodi se dahi mein 1 garam kaali mirach milakar lagaye.
  • Gay ke doodh ka makhan baalo par lagane se baal safed nahi hote.
  • Baal Sundar Banane Ke Gharelu Nuskhe
  • 30 Minute Mein Apne Chehre Ko Kaise Nikhare
  • Dadi Maa ke Gharelu Nuskhe aur Upay in Hindi

Dosto Bina Color ke Safed Baal Kale Karne ke Upay : White Hair Treatment ka ye article kaisa laga hame bataye aur agar aap ke pass safed baal kaale karne ke gharelu aur ayurvedic nuskhe ya koi sujhaav aur anubhav hai to hame bataye.

हम आशा करते है की sehatdoctor के द्वारा दी गई जानकारी आपको पसंद आई होगी और जिस भी परेशानी के नुस्खे आपने पढ़ें है उस परेशानी में भी आपको आराम प्राप्त हुआ होगा| किसी भी अन्य बीमारी या परेशानी के लिए हेल्थ टिप्स इन हिंदी (health tips in hindi) और घरेलु नुस्खे इन हिंदी (gharelu nuskhe in hindi) जरूर पढ़ें और लाभ प्राप्त करें| आपका अनुभव कैसा रहा इसकी जानकारी कमेंट करके जरूर बताए |

Recent Articles

161 टिप्पणी

  1. dear sir meri age 28 Year 11 month ha and i am unmarried .mere pehley b 2 baar baal safaid howey they lekin khud hi kaley ho gaye They . ab bohat zaida safaid hona start ho gaye han our takreeban adha sar safaid ho gaya hai. is k elawa food jo use karo us k b bta den .dear sir please is barey mujhe behtar complete remedies bta den .ap ki nazar mein jo behtar hal ho wo bta den thanks