Lambe Ghane Baalo ke liye Tel: Pollution, tension aur unhealthy diet ki wajah se balo ka jhadna tutna, kam umar mein baal safed hona, do munhe baal aur ganjapan jesi samasya aam ho gyi hai. Agar aap hairs ki problems se pareshan ho gaye hai aur inse chutkara pana chahte hai to sabse pahle jaruri hai ki baalo ko nutritions mile. Healthy food kha kar, balo ki care kar ke aur tel se malish kar ke hum apne baalo ko poshan de sakte hai. Is lekh mein hum aap ko hair massage oil ke bare mein janenge jinke paryog se baal kale, lambe, ghane aur sundar bante hai sath hi baalon ka girna rukta hai aur naye baal ugane mein madad milti hai. Aaiye jane balo ke liye gharelu tel, natural ayurvedic hair oil tips in hindi.
Kya Baalo Par Tel Lagana Chahiye
Bahut se log aese bhi hai jo hairs par oil ka istemal nahi karte, aesa karne se baal bejan aur rukhe hone ke sath sath balo ki jade kamjor hone lagti hai jisse hair fall aur hair loss jesi problem hone lagti hai. Baalo ki malish karne se sir ki koshikao mein blood ka circulation badhta hai jisse stress kam hota hai aur baalo ki jade majbut hoti hai.
Lambe Ghane Baalo ke liye Tel : Natural Hair Oil Tips in Hindi
1. Nariyal ka Tel (Coconut Oil)
- Rukhe aur bejan baalo ke ilaj ke liye coconut oil ko kafi acha mana gya hai. Nariyal tel ko gunguna kar ke balo ki malish karne se baalo ki nami wapis aati hai.
- Hair wash karne se 1 ghanta pahle nariyal tel se baalo ki massage karne se baal mulayam hote hai.
- Baal patle ho gye ho ya jhad rahe ho nariyal tel se malish karne par baalo ko majbuti milti hai aur baal girna band hote hai.
2. Til ka Tel (Sesame Oil)
- Til ka tel skin aur hairs ke liye kafi acha hota hai, isme vitamin E, B, magnesium, calcium aur protein paryapat matra mein hota hai. Ye tel sabhi parkar ki hair problems mein asardar hai. Chahe baalo mein russi ho ya sir mein juye.
- Til ke tel ko normal tarike se bhi paryog kar sakte hai ya fir aap ise raat ko sone se pahle sir par lga kar subah dho sakte hai.
3. Sarso ka Tel (Mustard Oil)
Balo ko ghana karne ka oil, sarson ke tel mein omega 3 aur 6 paryapat matra mein hota hai. Is tel ko hair massage ke liye best mana jata hai. Is oil se malish karne par baal ghane lambe aur kale hote hai.
4. Jaitun ka Tel (Olive Oil)
- Olive oil khane mein to healthy hota hi hai par sath mein is oil se massage karne par baalo ka girna aur jhadna bhi dur hota hai aur baal sundar dikhte hai.
- Baalo ke sath sath olive oil chehre ki jhuriya hatane aur skin ko soft banana mein bhi asardar hai.
- Jaitun ka tel baalo ko dandruff se bachata hai aur hairs growth process ki bhi tej karta hai.
5. Badam ka Tel (Almond Oil)
- Badam ke tel mein vitamin E, D, magnesium, calcium aur minerals hote hai jo baalo ki massage ke liye faydemand hai.
- Badam ke tel se rukhe baalo mein jaan aati hai, baalo ka tutna rukta hai aur naye baal ugane mein bhi asardar hai.
- Badam ka tel baalo ko ghana aur teji se lamba karne mein bhi faydemand hai.
- Jane Hair fall tips in hindi
Balo ki Malish ke Fayde : Hair Massage Benefits in Hindi
- Baalo ki deep conditioning karne le liye baalo ki massage acha option hai, iske liye thode se tel ko gunguna kar ke baalo ki jado tak malish kare aur 1 ghante baad sir shampoo se dho le. Isse baal soft ho jayenge.
- Regular balo par tel lagane se sir mein blood circulation badhta hai jisse baalo healthy rehte hai, hair damage nahi hote aur baal jhadna rukte hai.
- Balo par tel lagane se baal safed nahi hote.
- Baalo mein dhool mitti ke kan nahi jamte aur baal gandagi se bache rehte hai.
- Baal shiney aur silky hote hai aur do munh baalo se bhi chutkara milta hai.
- Dry baalo ke ilaj ke liye hair oil massage best treatment hai. Oil na lagane se sculp dry hone lagta hai jisse sir mein khujli aur dandruff jesi samasya hone lagti hai. Tel lagane se sir ki khushki dur hoti hai aur dandruff khatam hoti hai.
- Hair massage se balo ki growth badhti hai aur baal teji se badhne lagte hai, agar aap long hairs paana chahte hai to rojana baalo par tel lagaye.
Dosto Lambe Ghane Baalo ke liye Tel, Ayurvedic Natural Hair Oil Tips in Hindi ka ye lekh aapko kaisa laga hame comment karke bataye aur agar aap ke pass baal badhane ke liye oil ya fir balo ka jhadne rokne ke tarike aur baal ugane ke tel ya desi nuskhe hai to hamare sath bhi share kare.
Oil se hair massage krne k baad raat bhr oil ko balo me rakh skte hai kya
Vese to massage ke bad ek se do ghante bhi bahut hai par aap chahe to subh bhi sir dho sakte hai.
Mera ball to dono side pura jhad chuka hai or thora sa pichh me heir bacha hai kya kru mai or roz k roz ball girte ja rhe hai kaise roke
Dost balo ka jhadna rookne ke upay yha padhe :: http://sehatdoctor.com/baalo-ka-jhadna-roke-7-dino-mein-gharelu-upchaar-hindi-mein/
muje apne hair lambe krne he kon sa oil use kru
Jyoti i hair oil ki jankari upar lekh mein btayi gyi hai aap ise padhe.
M bhut kosish kr chuki hu even doctor ko. b dikha chuki hu lkin mere baal bilkul b growth nhi kr rhe . M kya kru
Coconut oil use kro
Mere baal bahut jhad rahe hai Maine doctor ko bhi dikhaya hai.. Mere sb upay krke dekh lie hai. . Ab main jaitun ke tel main nariyal ka tel mix krke use kr rahi hu.. Kya usse fayda milenga.. Aur hair wash ke lie kaun sa shampoo use krna chahiye.. Aur ye oil main daily use kr skti hu.. Please help me.
Me ganja ho gya hu koi tel btao jisse nye baal aa jaye
mere baal rukhe ho gye hai kya kru
Sir omega 3 capsules ka oil hair me lga sakte he kya.
Meri 7 saal ki betia he unke baal kafi rukhe aur bejan se ho gaye he aur me unke ball nahane ke sabun se dhoti hu par fir bi baal kharab ho rahe he kya karu treatment bataye