Hips aur Thighs ki Charbi Kam Karne ke 5 Aasan Tarike Hindi Mein

Thighs aur Hips Kam Karne ke Tarike in Hindi: Hips ke pass charbi badhne ki samasya mahilao mein adhik hoti hai iss wajah se body shape buri dikhne lagti hai aur ve apni pasand ki dress nahi pehan pati. Agar aap hips kamar aur jangho ke pass jama charbi kam karna chahte hai aur hips ka fat kam karne ke tips janna chahte hai to iske liye sabse kargar upay hai pairo aur kamar ka vyayam kare, jiske liye aap yoga, exercises aur aerobics ka sahara le sakte hai. Jaldi aur behtar result ke liye physical activity karne ke sath sath ek healthy lifestyle bhi apnana jaruri hai jese ki betime khana na khaye, khane pine ki galat aadton ko chode aur diet mein healthy food shamil kare.

Dosto isse pahle wale articles mein humne jana motapa kam karne ke tarike kya hai, yoga se pet kam karne ke upay, belly fat loose ke liye aerobics exercises, chehre ki charbi kaise kam kare aur jaldi se weight loss ke gharelu nuskhe in hindi. Aaj is lekh mein hum kuch aese tips janenge jinki madad se aap legs, belly, thighs aur hips ka fat kam karke acha figure aur fit body shape pa sakte hai, how to reduce hips in hindi.

• Jane Pet ki Charbi Ghatane ke liye Aerobics

Hips Kam Karne ke Tarike Yoga aur Exercise Tips in Hindi

1. Hips Kam Karne ke Liye Squats Exercises

Agar aap kamar patli karne ke upay karna chahte hai to squats kar sakte hai. Squats exercises karne se hips aur thighs ki muscles ko strength milti hai aur isse hips ke size ko ghatane mein bhi madad milti hai.

• Is exercise ko karne ke liye dono pairo par sidhe khade ho jaye aur dono pairo ke beech mein ek se dedh feet ka gap banaye.

• Ab apne left hand ko right shoulder aur right hand ko left shoulder par rakhe isse hatho ke beech mein cross ban jayega.

• Iske baad dono ghutno ko modte hue apne kulho ko niche laye aur aesi position banaye jese aap chair par baithe ho.

• 2 se 3 seconds tak isi position mein rahe aur fir sidhe khade ho jaye. Ise karte samay ek baat ka dhyan rahe ki aapki kamar sidhi rahe aage jhuke nahi.

• Is exercises se ke ek set mein 5 repetition kare aur total 3 set kare.

• Jane Slim Hone ke Upay in Hindi

2. Forward aur Side Lunges se Thighs aur Hips Kaise Kam Kare

• Is exercises se bhi jangho aur kulho ka size chota karne mein kafi madad milti hai. Forward lunges karne ke liye dono legs par sidhe khade ho jaye aur ek leg aage ki aur nikale, dono pairo mein ek feet ka gap hona chahiye.

• Ab kamar ko sidhe rakhte hue pairo ko niche ki aur jhukaye, 3 se 5 seconds tak isi position mein rahe fir yahi steps dusre pair ko aage la kar kare. Is exercises ke ek set mein 4 se 5 repetition kare aur iske total 3 set kare.

• Chote kulhon, patli kamar pane ke liye side lunges ki exercise bhi karne se benefit milta hai. Isme sidhe khade ho kar ek pair ko bahar ki aur nikale aur dusre pair ka ghutna mode.

• 3 se 5 sconds tak isi position mein rehne ke baad sidhe ho jaye aur yahi kriya dusri leg se kare. Ek bar mein iske 5 repetition kare aur total 3 set kare.

3. Thighs aur Hips Fat Loss ke Liye Step Ups and Downs

• Is exercise ko karne ke liye aap ko dedh feet height ka ek bench chahiye hoga.

• Ab ek pair ko bench ke upar rakhe aur dusre pair ko bina niche rakhe bench chadh jaye aur ek hi leg par 2 seconds tak khade rahe aur fir bench se niche utar jaye.

• Ab yahi steps aap dusri leg se kare.

4. Hips aur Thighs Fat Kam Karne ki Exercise in Hindi

Hips ko shape mein lane ke liye upar bataye hui physical workouts ke ilava aap kamar, kulho aur jangho ko chota karne ke liye niche likhi hui exercise bhi kar sakte hai.

• Cycling
• Running
• Jogging
• Swimming
• Rope skipping

5. Jangho aur Kulho ki Charbi Kam Karne ke Liye Yoga Tips

Mahilao mein weight badhne ki shuruaat pet, jangho aur hips ke pass charbi badhne se hoti hai, jise ghatane ke liye ve dieting karti hai aur gym join karti hai, magar ghar par hi rojana yoga karke bhi fat ko khatam kiya ja sakta hai. Yha likhe hue yogasano ko kar ke bhi aap kamar, pet, jangho aur hips ke fat ko kam kar sakte hai.

• Utkatasana
• Virabhadrasana
• Ananda Balasana
• Setu Bandhasana
• Adho mukha svanasana

In aasno ko karne se pahle inhe karne ka sahi tarika sikhe, aap kisi yoga guru ke dekh rekh mein inhe kar sakte hai ya fir ghar baithe baba ramdev ke yoga videos dekh kar bhi sikh sakte hai.

• Jane Yoga se Motapa Kam Karne ke Tarike

Hips Kam Karne ke Gharelu Nuskhe aur Upay

• Yoga, exercise aur physical workout ke ilava hum hips aur thighs weight loss ke liye gharelu upay bhi kar sakte hai.
• Shahd aur nimbu ka ras gungune paani mein milakar pine se kamar aur kulho ki charbi ghatane mein madad milti hai.
• Charbi ghatane aur body ka metabolism badhane ke liye garam pani pine se madad milti hai, isliye jab bhi pyass lage thande paani ki jagah paani ko halka gunguna kar ke piye.
• Jane Jaldi Weight Loss Karne ke Gharelu Tips

Pregnancy ke Baad Hips Kam Karne ke Tips

• Prengnancy ke samay mahilao ka body weight badh jata hai jisse kamar ke pass ki charbi badh jati hai. Pregnancy mein delivery ke baad motapa kam karne ke liye kuch baato ka dhyan rakhna jaruri hai.
• Jane Delivery ke Baad Kamar Kaise Kam Kare

Hips Weight Loss Tips in Hindi

• Har roj morning aur evening walk ke liye time nikale.
• Ghar aur office mein lift ki bajay sidhiyo ka paryog kare aur kuch dur jane ke liye bike le jane ki jagah walk kare.
• Koi sports khelna shuru kare jisme physical activity jada ho.
• Rojana kuch der dance karne se bhi hips kamar aur legs ka fat kam karne mein madad milti hai.
• Aese cheeje kam khaye jinme fat adhik hota hai. Jese fast food, ghee, makhan, sweets aur gosht.
• Agar kulho ki charbi ghatana chahte hai to pahle apne body weight ko dekhe, agar aapke sharir ka wajan adhik hai to weight kam karne ke upay kare body ka wajan kam hone par hips bhi chote hone lagenge.

Kamar aur jangho ke pass ki charbi kam karna ek ya do din ka kaam nahi hai isme samay lagega isliye apne paryaso ko nirantar jari rakhe aur agar aap akele yoga aur exercises karne mein bore hote hai to family member ya kisi friend ke sath milkar kare.

• Pet Kam Karne ki Dawa
• Baba Ramdev ke Ayurvedic Nuskhe
• Wajan aur Pet Kam Karne ke Upay

Dosto Thighs aur Hips Kam Karne ke Tarike, Tips ,Gharelu Nuskhe in Hindi ka ye lekh aapko kaisa laga hame comment karke bataye aur agar aapke pass kulho aur jangho ke pass ki charbhi ghatane aur kamar patli karne ke upay hai to hamare sath bhi share kare.