Kidney Mein Sujan aur Dard ka Gharelu ilaj ke 3 Ramban Upay

Kidney mein sujan ka ilaj in hindi: Hamare sharir mein gurda ek important ang hai jise hum kidney ke naam se bhi jante hai aur ye sharir mein kamar ki taraf hota hai. Gurde khoon mein se jal aur vishale padarth alag karke inhe peshab ke raste sharir se bahar nikalne ka kam karte hai. Iske ilava blood pressure control karna, harmons balance karna aur vitamin D banana jese kaam bhi gurde karte hai. Pet mein kharabi aur galat khan pan se kidney mein shariya tatav badhne lagte hai jis wajah se kidney mein sujan aane lagti hai aur dard hone lagta hai. Kua Kyu Kaise ke is lekh mein hum gharelu upay aur ayurvedic nuskhe se kidney rog ke upchar janenge, home remedies for kidney swelling and pain treatment in hindi.

• Jane Achi Sehat Pane ke Tips

Kidney Kharab Hone ke Karan : Causes

Jab kidney blood ko thik se saaf nahi kar pati tab jehrile padarth sharir se bahar nahi nikal pate jisse kidney mein infection, sujan, bukhar aur dard jesi pareshaniya aane lagti hai.

• Jane Gurde ki Pathri ke Desi Nuskhe

Gurde mein Sujan aur Dard ke Lakshan : Symptoms

• Peshab karte waqt dard hona.

• Ruk ruk kar peshab aana.

• Kamar mein dard hona.

• Peshab se badboo aana.

• Bechani, sir dard aur sharir dard.

Kidney Mein Sujan ka ilaj ke Gharelu Nuskhe

Home Remedies for Kidney Treatment in Hindi

1. Angur ki Bel se Upay

Angur ki bel ke 50 graam patte pani mein pees kar chan le aur isme thoda sendha namak mila kar marij ko pilaye. Gurde ke dard ka ilaj ka ye ramban upay hai.

2. Trifla Churan

Ek chammach trifla churan raat ko sone se pahle gungune pani ke sath lene se kidney ki sujan se aaram milta hai.

3. Tulsi se Kidney ka Upchar

20 graam ajwaine, 20 graam tulsi ke patte aur 10 graam sendha namak  le aur in sab ko chaav mein sukha le aur pees kar churan bana le. 2-2 graam ki matra mein ye churan subah sham gungune paani ke sath le. Is dawa (medicine) ki ek se do khurak mein hi dard aur sujan (pain and swelling) se aaram milne lagega.

• Jane Kidney ka Gharelu ilaj Kaise Kare

Kidney Me Dard aur Sujan mein Kya Khaye

• Kidney ke ilaj ke liye sab se jaruri hai ki paani adhik maatra mein piye. Paani ko ubaal le aur chaaan kar rakh le aur pine ke liye har bar isi paani ko paryog kare.

• Khane mein karela, jo, parwal aur sehjan ki fali khaye.

• Ganne ka ras, nariyal paani aur tarbuj khane se bhi fayda milta hai.

• Gurde ki is bimari mein namak ka sevan karne se parhej kare.

• Tambacoo, bidi, cigrete, sharab, anda khane se bache.

• Dahi aur dahi se bani chijon ke sevan se bhi dur rahe.

• Nimbu, tamatar aur dusri khati cheje khane se bhi bache.

 

Upar btaye hue kidney ke gharelu nuskhe aapki jankari ke liye hai kisi bhi upay ko karne se pahle kisi ayurvedic chikitsak ki salah jarur le aur in upayo ko karne ka sahi tarika detail mein jane.

Kidney ko Swasth Kaise Rakhe Tips in Hindi

Upar humne jana kidney mein dard aur sujan ka ilaj gharelu nuskhe se kaise kare. Par ilaj se behtar bachav hota hai isliye agar hum kisi bhi rog se grast hone se pahle hi kuch upay kar le to inse bacha ja sakta hai.

Aaiye ab hum kidney ko healthy rakhne ke liye ek aesa gharelu tarika jante hai jinse hum bina koi medicine khaye gurde ke rogo se bach sakte hai.

Khana khane ke baad peshab kare. Ise aap ek niyam bana le jise aap ko har bar bhojan karne ke bad karna hi hai. Nirantar is niyam ka palan karne se aap kidney ki bimariyo se dur rahenge. Ye upay un logo ke liye bhi faydemand hai jo kidney ke rogo se parbhavit hai.

Har roj is niyam ko karne se gurde ke ilava liver, prostate aur gathiya jese rogo se bachav mein bhi madad milegi.

• Pathri ka ilaj kaise kare
• Dadi Maa ke Gharelu Nuskhe
• Baba Ramdev Ayurvedic Upchar

Dosto Kidney Mein Sujan ka ilaj ke Gharelu Nuskhe, Home Remedies for Kidney Treatment in Hindi ka ye lekh aapko kaisa laga hame comment kar ke bataye aur agar aapke pass kidney mein dard aur suaj ke desi ayurvedic nuskhe hai to hamare sath bhi share kare.